पुणेकरांसाठी अत्यंत महत्त्वाची बातमी...!

 

पुणेकरांसाठी अत्यंत महत्त्वाची बातमी!

पुण्यातील ट्रॅफिक दिवसेंदिवस वाढत असतानाचं चित्र पहायला मिळत आहे. त्यामुळे वाहनचालकांना मोठ्या समस्यांना सामोरं जावं लागत आहे. पुणे शहरातील पोलिसांनी अनेक वेळा नियमावाली जारी करुन देखील पुणेकरांकडून नियमांचं उल्लंघन करण्यात आलंय. त्यामुळे आता पुणे पोलिसांनी मोठं पाऊल उचललं आहे.

काय आहे प्रकरण?

वारंवार सांगून देखील पुणेकरांकडून (Pune News) वाहतूक नियमांचं पालन होत नसल्याचं समोर येत आहे. दरम्यान आता पुणे पोलिसांनी नवीन सिस्टिम आणली आहे. जर वाहनचालकाने वाहतूक नियमांचं उल्लंघन केलं तर त्याच्यावर आता थेट इंटेलिजेंट ट्रॅफिक मॅनेजमेंट सिस्टिम या प्रणालीद्वारे कारवाई करण्यात येणार असल्याचं म्हटलं आहे.

फोटोसह पावती मोबाईलवर-

ही सिस्टिम एआय तंत्रज्ञान आधारित यंत्रणा असणार आहे. यामुळे वाहतूक नियमाचे उल्लंघन केलं तर अवघ्या पाच मिनिटात दंडाची पावती मोबाइलवर फोटोसह जाणार आहे. त्यासाठी पोलीस ऑटोमॅटिक नंबर प्लेट रिकग्नेशन कॅमेऱ्याची मदत घेणार आहेत. एवढंच नाही तर आता पुणे ( Pune News) शहराच्या चौका चौकात कॅमेरे लावण्यात आले आहेत. 

कॅमेऱ्याद्वारे पुणे पोलिसांची यंत्रणा राबणार आहे. एआय तंत्रज्ञानामुळे कोणी वाहतुकीचा नियम मोडला तर लगेच पुणे पोलिसांना कळणार आहे. त्यानंतर त्या व्यक्तीच्या मोबाईलवर पाच मिनिटात पावती येणार आहे.